KAF!

Existe un famoso dito que di “o Rock and Roll nunca morre”, con KAF! o Rock and Roll renace.

Desenfadado, moderno, divertido, renovado e para todos os públicos. Un concerto de puro directo e enerxía.

Esta banda nace no ano 2019 no seno da Aula de Música Pianagrama en Mos con varias das súas mestras para incentivar que as alumnas do centro fixeran proxectos conxuntos para presentar ao público. Integrada por Ana Belén Rodríguez, Irene Anta, Kiri Cabaleiro e Fran Leboso teñen un repertorio que mistura temas propios con versións moi coñecidas.

Nestes intres están promocionando os cinco temas incluidos no seu disco “Cuando las palabras fallan…” onde apostan por un directo de rock que se nutre do pop, hip-hop e pinceladas de diversos estilos. Os seus propios temas van acompañados de cancións españolas e internacionais de todos os tempos que calquera tipo de público recoñece pero, como o define o propio grupo, “rockerizadas”. Moi enérxicas que dan pé a cantar e bailar en cada tema, como son Mamma Mía (ABBA), Non todo é o que parece (Aerolíneas Federales), Because the night (Patty Smith), Piano man (Billy Joel), Voy a pasármelo bien (Hombres G), Miedo (M-Clan) ou Braveheart BSO (James Horner) entre outras.